211th blog … hoy! bata batuta, samperang muta! …

ang parol na kumukutikutitap ay sagisag ng pag-asa na parang alitaptap ng kalikasan, pasasalamat sa mga panahong nagdaan …

katutubo sa mga pulo ng mga tao na dinatnan ng mga relihiyong banyaga ang mga taong tinawag nilang pagano na hanggang sa ngayon ay naaninag sa pa kadiliman ng panahon na parang parolang pananda  …

bata, batuta, samperang muta …  mga bata batutang abnoy na pinoy kung saan man kayo nagmula, alamin din ninyoang pinagmulan ng “intsik” hindi katakatakang nawaglit na rin sa inyong mga isip.

gaya rin ng ginoo ng dasal sa “aba ginoong maria…” ay alamin ang pahiwatig sa kasarian ni Marya na ginawang kahibangan ng mga alagad ng kaparianm talagang ganyan ang kanilang ginawa sa mga kahulugan.

Ang maginoo ay pangkaraniwang mamamayan na lang, at maging mga boy scout ni carlos na ang pinga ay ginawang pena ay hindi na rin alam ang istorya ng maginoo sa kanilang kilusan.

Sino ba sa kanila ang nakakaunawa na ang “ma” sa maginoo ay pinaikling “magiting” para sa “magiting na ginoo”. Naagnas na ang “nobiliting” kahulugan nito.

Pati na ang tunay na dahilan kung sino at bakit natatag ang kilusang boy scout sa katagalugan ay hindi na maipapaliwanag ng pamunuan kaya naligaw na ang pamayanan.

Tulad nito ng “anito” na naging “kaluluwa” tapos “espiritu o diwa”, pero bago naging “anito” ano kaya ang tawag sa lumang tagalog nito, hindi kaya “pangaea” o “pingaea” o “pigna” … o malumay na “pinga” kaya?

alam ba ninyo na kaya lang naiba ay dahil sa paraan ng pagsulat at bigkas ng mga baluktot na dila ng mga dayuhan at banyaga?

Kaya ang “ginoo” na karaniwang katawagan na may paggalang sa lahat ng mga mandirigma noong unang panahon, mapababae man o mapalalake, ay ikinapit nila sa kanilang “maria” ang pagkamaginoo noong isinalin nila ang tagalog na dasal sa kanilang latin na ang pinarangalan naman ay ang kanilang si “maria”

Sa palagay ko, ang may malaking kasalanan sa malaking gulong ito ay ang mga kastila, muslim, bisaya at intsik, isasama ko na rin ang mga hindu at kapangpangang ayaw umamin o hindi nakakaalam kung saan nagmula.

Pagdating nilang lahat sa katagalugan, isinantabi nila ang mga lumang tagalog na salita, tulad ng “gat at dayang” na pinalitan nila ng “datu, raha, lakan at sultan”.

Ang mga nilumang tagalog na lantay ay nilunod nila sa lumot ng limot upang tuluyang malimot ng mga katutubong tagalog, hanggang maglaho’t mawala.

Kinulimbat nila mga kayamang-lupa at likas, pati na ang mga sulat na nalimbag sa mga papel na ginto, pilak at tanso; ang iba pang pagkakakilanlan ng kabihasnang tagalog ay kanilang sinunog, tinunaw o inihagis sa mga ilog at lawa; at hinayaan nilang higupin ng alon sa hangin at dagat ang abong-diwa ng katagalugan.

Nagdagdag rin naman sila ng ibang salita, halimbawa ay ang “alipin”, mula sa “lipin o lipon” ng mga bisaya, “dios” na pamalit sa “maykapal at maylalang”, pari at pastor para sa katalunan at babae lang, at marami pang iba na pinagtatalunan hanggang sa ngayon ng mga paham daw at marunong.

Yun pa ngang bisayang “oripung bug-os” na tumutukoy sa mga bulislis o bulisik ay hindi hindi nila alam ang pinanggalingan o tunay na pinagmulan.

Nakakatawa talaga kayong mga pinoy, pati akong sumulat nito ay hindi ninyo kilala, ha!ha!ha!  Bata batuta, samperang muta! ….. patuksong sigaw ng mga paslit sa lansangan noong sariwa pa ang sikat ng araw …

bago pa dumating ang mga panahon ng mga magdiwang nina jacinto, bonifacio at diwa ….. ng makita nila ang isang dayuhang lumapag mula sa sasakyang pandagat dito sa lawang maynilad ….

madungis at marumi dahil sa tagal ng kanilang paglalayag sa mga karagatan, na nagpakilala ng kanyang pangalang batuta sa mga batang sa kanya ay nakamasid.

Kitang-kita ang mga dungis na mukha at mga matang nangangapal sa muta ni batuta dahil sa hirap, tagal at haba ng paglalakbay … kaya kinatuwaan siya ng mga kabataan paslit na masayang nanunukso …

“bata batuta samperang muta”, hindi kaya ito ang tamang istorya ng simula ng salitang batuta? …
hindi ang tangan-tangang batuta ng mga pulis na nagmana ng ugaling kastila na ang layon lamang ay mandagit ng mga babaing puta?

Advertisements

One thought on “211th blog … hoy! bata batuta, samperang muta! …

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s