369th blog … a-tres ng enero, 2013 sa cuyo, mameng, baghad, anonas at butanding!

  1. kuyo, sa pulo ni huwan …

    … ang pulo ng KUYO ay isa sa mga lakbayan ng mga maginoong mandirigma ng lawang maynilad sa katagalugan … hindi pa nakakadaumpalad noon ng mga katutubong tagalog ang mga banyagang tinawag nilang dayuhan sa pulo ng ginto … noong sarili pa nila ang kalupaang tinawag din nilang pulo ng ginto … noong ang mga butil ng batong kumikinang ay hindi pa pinag-iimbutan ninuman at saan man …

    … muli’t muli ay pumaparoon ang mga katutubong tagalog sakay ng kanilang mga balanghay na itinutulak ng hangin patungo sa mga karatig pang mga pulong sakop ng kahariang mabunga … upang pagyamanin at payabungin pa ang mga naitanim na diwa ng PINGA sa isipan ng lahat ng mga mamamayang tunay na nagkakaisa

    …. upang magtanim at magdilig ng binhi ng kasarinlan … lubusang magtanggol ng kalayaang walang hanggan ….. dakilain ang kabunyian ng panginoong maykapal, yakaping mahigpit ang diwa ng kapatiran para sa lahat … ipagmalaki ang kagitingan ng kanilang lahi … na buong pusong tinanggap ng mga nananahan sa mga lupaing malaya …

    … mula sa lawang babae at lawang maynila pumaroon sila sa KUYO upang paghandaan ang matagalang paglalayag ng mga mandirigmang tagalog sa lalong malayo pang mga karagatan at mga pook … tulad ng saba, bali, sumatra, ternate at iba pang mga pulo na wala pang pangalan sa dako pa roon ng malayong timog …

    …. hanggang sa lupain ng mga maori, kiwi, tongan at iba pang mga lahi na itinuring nilang kabahagi sa paniwalang ang dugo ng mga katutubo ng malawak na karagatan tulad ng mga tagalog … ay dapat makaniig ng bawat nilalang sa patuloy na pagsamba sa mga anito o kaluluwa ng kanilang mga ninuno …

    … sa ganoong paraan, mapapanatili ang kabihasnan na sariling atin na dapat ipagmalaki kanino man … katulad ng pagmamahal sa kapwa at dalisay na pakikisama sa bawat isa … na may lubos na pananalig sa dakilang lumikha na siyang tunay na panginoon ng lahat …

    … ang dugo at lahi ng maginoong tagalog ay naipunla sa mga kabukiran at kabundukan ng pulo ng KUYO at mga kalapit na pulo na itinala sa papel na ginto ng pinagpalang angkan … noong ang ating kabihasnan ay malayung-malayo pa sa pananaw ng mga banyaga’t dayuhan … maging sa mga munting pulo na napapaligiran ng puting buhanginan na pinung-pino … na nakalatag na tila banig sa kanilang baybayin at dalampasigang pinapalamutian ng mga kabibe’t sigay na parang nagtatampisaw at nakikipaglaro sa mga timawa sa ilalim ng init ng araw ….. sa AMANG PULO na pinagkaloob ng mga katutubo ng KUYO sa mga maginoong tagalog …

    …. sa paligid ay nakikita pa ang masayang paglalanguyang pasayaw ng mga BUTANDING ng dagat na parang pasinaya sa tanging lipi ng mga tagalog … habang nag-aanyayang patukso ang iba’t ibang uri ng isda tulad ng MAMENG at BAGHAD sa kanilang hapag-kainan … pati na ang lahat ng uri ng lamang-dagat na sagana sa lahat na panahon at mga bungang-kahoy na malinamnam tulad ng guyabano’t ANONAS ….

    …. sa matalas na paningin ng mga matanglawin ay aninag nila TUBATAHA na lihim na taguan ng mga perlas ng mga katutubo na ginawang salaping pamalit sa mga kalakal ng mga mamamayan sa maraming dako ng daigdig … bukod sa mga ginto at mahahalagang batong-hiyas sa malaking pulo ng lusung, may nagsasabi rin na ang pinagmulan ng salitang PERA ay ang mga PERLAS bilang mga pamalit sa mga kalakal ng mga katutubo noong unang panahon.

    … KAPATIRAN ang matibay na moog ng mga taga Kuyo na unti-unti ng nalilimutan ng kasalukuyang panahon … ang UTANG NA LOOB na ng mga taga-ilog ang magsisilbing gabay na diwa ng bawa’t isang mamamayan upang magbalik-tanaw sa kanilang mga nakalipas na nakalimutan na sa ngayon …

    dito rin nag-ugat ang kilusang MAGDIWANG noong lumaganap na ang himagsikan laban sa mga lilo at mapagkamkam dahil sa hindi nila pagsunod sa PAYATAS ng maginoong tagalog …

  2. … parakaninoto?
    ... parakaninoto?
    ... parakaninoto?
    ... parakaninoto?
    ... parakaninoto?
    ... parakaninoto?
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s